Dwight Gayle, framherji West Brom í Championship-deildinni á Englandi, hefur fengið á sig ákæru frá enska knattspyrnusambandinu fyrir að blekkja dómara í leik gegn Nottingham Forest á þriðjudagskvöld.
Því er haldið fram að hann hafi framið leikaraskap er West Brom fékk vítaspyrnu á 89. mínútu.
Jay Rodriguez skoraði úr vítaspyrnunni og tryggði West Brom stig úr leiknum.
Hinn 28 ára gamli Gayle fær þangað til klukkan sex í kvöld til þess að svara ákærunni.
Ef hann fer í bann þá verður hann ekki fyrsti leikmaðurinn sem lendir í því. Enska knattspyrnusambandið hefur verið að reyna að taka á leikaraskap. Árið 2017 var Oumar Niasse, þáverandi framherji Everton, úrskurðaður í tveggja leikja bann fyrir leikaraskap.
Myndband af vítaspyrnudómnum má sjá með því að smella HÉR.
Athugasemdir