Lucas Arnold hefur trú á FH.
Englendingurinn Lucas Arnold hefur fylgst grannt með íslensku efstu deildinni undanfarin tvö ár en hann sér um íslenska boltann fyrir Football Radar og horfir á nánast alla leiki
Hér má lesa viðtal við hann sem tekið var sumarið 2017.
Í fyrra var hann álitsgjafi Fótbolta.net í Hófinu og kom með sínar pælingar eftir hverja umferð í Pepsi-deildinni.
Hér má lesa viðtal við hann sem tekið var sumarið 2017.
Í fyrra var hann álitsgjafi Fótbolta.net í Hófinu og kom með sínar pælingar eftir hverja umferð í Pepsi-deildinni.
Arnold hefur trú á því að FH verði í baráttunni um Íslandsmeistaratitilinn í ár. Stórveldið í Hafnarfirði endaði í fimmta sæti í fyrra, á fyrsta ári Ólafs Kristjánssonar við stjórnvölinn.
„Ég spái því að FH muni gefa Val baráttu um titilinn á þessu ári. Ég veit að margir spyrja hvaðan mörkin eiga að koma en þeir eru með Lennon, Jakup, Brand og Atla," skrifar Arnold á Twitter.
Þá segir hann að endurkoma Björns Daníels Sverrissonar í Kaplakrika gæti skipt sköpum. Þess má geta að FH vann 7-1 sigur gegn Gróttu í Lengjubikarnum í gær.
Pepsi Max-deildin fer af stað seint í apríl en í síðustu ótímabæru spá útvarpsþáttarins Fótbolti.net var KR spáð efsta sæti og Val öðru.
Throwing my hat in the ring and saying that @fhingar are going to give Valur a proper title race this year. I know a lot of people ask where the goals will come from, but plenty in Lennon, Jakup, Brandur and Atli for me. Björn Daniel looks absolutely class too. #fotboltinet
— Lucas Arnold (@FotboltiLucas) March 14, 2019
Athugasemdir
