Kaveh Solhekol, fréttamaður Sky Sports meðal annars, er búinn að ræða við háttsettann heimildarmann sinn úr enska boltanum.
Solhekol heldur því fram að viðkomandi aðili, sem situr í stjórn knattspyrnufélags í úrvalsdeildinni, hafi litla trú á því að enska úrvalsdeildartímabilið verði klárað.
„Mér sýnist ekki vera möguleiki á að deildin fari aftur af stað eftir þrjár vikur, þetta ástand mun vera svona í nokkra mánuði," sagði heimildarmaðurinn.
„Við erum að velta því fyrir okkur hvort næsta tímabil muni byrja tímanlega. Við þurfum að svara stórum spurningum: Munu einhver lið falla niður eða komast upp um deild?"
Athugasemdir