Árni Vilhjálmsson spilaði allan leikinn á vinstri kanti er Kolos Kovalivka heimsótti Oleksandriya í úkraínsku úrvalsdeildinni í dag.

Árni og félagar rétt náðu að enda í sjötta sæti á venjulega deildartímabilinu og eru því að spila í efri hluta úrslitakeppninnar. Þar eru þeir öruggir með sjötta sæti þrátt fyrir að vera fjórtán stigum eftir næsta liði.

Leikurinn í dag var furðulegur þar sem átta skot rötuðu á markrammana og sex þeirra enduðu í netinu.

Kolos er með 26 stig eftir 23 umferðir og getur talist afar heppið að hafa komist í efri úrslitakeppnina í ár.

Shakhtar Donetsk trónir á toppinum með fjórtán stiga forystu á Dynamo Kiev.