Leicester City 5 - 0 Sheffield Utd
1-0 Kelechi Iheanacho ('39 )
2-0 Ayoze Perez ('64 )
3-0 Kelechi Iheanacho ('69 )
4-0 Kelechi Iheanacho ('78 )
5-0 Ethan Ampadu ('80 , sjálfsmark)
1-0 Kelechi Iheanacho ('39 )
2-0 Ayoze Perez ('64 )
3-0 Kelechi Iheanacho ('69 )
4-0 Kelechi Iheanacho ('78 )
5-0 Ethan Ampadu ('80 , sjálfsmark)
Leicester City fór illa með Sheffield United í öðrum leik dagsins í ensku úrvalsdeildinni.
Þetta var fyrsti leikur Sheffield United eftir að knattspyrnustjórinn Chris Wilder var látinn fara í gær. Paul Heckingbottom stýrði Sheffield United í dag og mun gera það út þessa leiktíð ásamt Jason Tindall, fyrrum stjóra Bournemouth.
Sjá einnig:
Chris Wilder: Boltastrákur, leikmaður og knattspyrnustjóri
Leicester var betri aðilinn frá fyrstu mínútu í dag en þeir leiddu 1-0 í hálfleik. Kelechi Iheanacho, sem hefur verið mjög góður að undanförnu, skoraði fyrsta mark leiksins á 39. mínútu.
Leicester gekk svo frá leiknum á um 15 mínútna kafla í seinni hálfleik. Ayoze Perez skoraði á 64. mínútu og í kjölfarið fylgdu tvö mörk frá Iheanacho. Hann fullkomnaði þrennu sína áður en Ethan Ampadu skoraði sjálfsmark.
Lokatölur 5-0 fyrir Leicester í leik þar sem Sheffield United leit aldrei út fyrir að vera líklegt til að skora, eða í raun gera neitt.
Leicester er í öðru sæti deildarinnar með 56 stig og Sheffield United er á botninum með 14 stig. Liðið er á leið niður í Championship-deildina.
Önnur úrslit í dag:
England: Brighton tókst að vinna og spyrna sér frá fallsvæðinu
Athugasemdir