FCK og Midtjylland áttust við í dönsku úrvalsdeildinni í dag en þessi lið eru í fjórða og öðru sæti deildarinnar.
Leiknum lauk með markalausu jafntefli en Mikael Anderson lék allan leikinn í liði gestanna. Midtjylland er nú fjórum stigum á eftir Bröndby sem situr á toppi deildarinnar.
Hjörtur Hermannsson lék allan leikinn í vörn Bröndby í dag eins og svo oft áður. Liðið mætti OB og vann öruggan 3-0 útisigur.
Bröndby er í efsta sæti deildarinnar með 44 stig eftir 21 leik en Midtjylland er með 40 stig.
Þá lék Sverrir Ingi Ingason allan leikinn fyrir PAOK sem tapaði gegn Panathinaikos í grísku úrvalsdeildinni. Leiknum lauk með 2-1 sigri Panathinaikos en liðin eru nú í 4 og 5 sæti deildarinnar.
Athugasemdir