sun 14. mars 2021 17:55
Aksentije Milisic
Ronaldo með fullkomna þrennu á rúmum hálftíma
Mynd: Getty Images
Þessa stundina eigast við Cagliari og Juventus í Serie A deildinni á Ítalíu.

Staðan í hálfleik er 0-3 fyrir gestina frá Tórínó og hefur Cristiano Ronaldo gert öll mörk liðsins.

Juventus var mikið gangrýnt eftir að það féll úr leik í Meistaradeild Evrópu í síðustu viku og þá sérstaklega Cristiano Ronaldo.

Þessi ótrúlegi leikmaður ákvað hins vegar að dvelja ekki lengi við það tap en hann er búinn að gera svokallaða fullkomna þrennu í fyrri hálfleiknum.

Á 9. mínútu skoraði hann með skalla eftir sendingu frá Juan Cuadrado, á þeirri 25 skoraði hann úr vítaspyrnu með hægri fæti og sjö mínútum síðar skoraði hann með vinstri fæti. Magnaður leikmaður.


Athugasemdir
banner
banner
banner
banner
banner