Þessa stundina eigast við Arsenal og Tottenham í ensku úrvalsdeildinni en staðan er 1-1 þegar þetta er skrifað.
Arsenal byrjaði leikinn betur og átti hættulegri færi en það voru hins vegar þeir hvítklæddu sem náðu forystunni og það með hreint út sagt glæsilegu marki.
Argentínumaðurinn Erik Lamela fékk þá sendingu frá Lucas Moura inn í vítateig Arsenal. Lamela ákvað þá að taka hið svokallaða Rabona skot og það með þessum glæsilega árangri.
Hann klobbaði Thomas Partey og boltinn steinlá í fjærhorninu, algjörlega óverjandi fyrir Bernd Leno í marki Arsenal. Þetta stórkostlega mark má sjá hér fyrir neðan.
Erik Lamela var mögulega að skora mark tímabilsins í ensku úrvalsdeildinni og það í Norður-Lundúnaslagnum hvorki meira né minna! pic.twitter.com/rbqdqiyi8r
— Síminn (@siminn) March 14, 2021
Athugasemdir