Staðan í ensku úrvalsdeildinni fyrir fimm árum er furðulega svipuð stöðunni í dag, þar sem Liverpool var með þriggja stiga forystu á Manchester City í titilbaráttunni.
Liverpool tók á móti Chelsea á Anfield og tefldu gestirnir fram hálfgerðu varaliði undir stjórn Jose Mourinho, sem var með hugann við undanúrslitaleik Meistaradeildarinnar gegn Atletico Madrid.
Steven Gerrard rann til á síðustu sekúndum uppbótartímans í fyrri hálfleik og nýtti Demba Ba sér mistökin til að koma þeim bláklæddu yfir. Chelsea stóð uppi sem sigurvegari, 0-2, og mistókst lærisveinum Brendan Rodgers að landa sínum fyrsta úrvalsdeildartitli.
Man City átti útileik gegn Crystal Palace samdægurs og vann 0-2, en nákvæmlega sömu leikir eru á dagskrá í dag. City heimsækir Palace skömmu eftir hádegi og munu Liverpool og Chelsea svo eigast við á Anfield. Liverpool er með tveggja stiga forystu á City, sem á þó leik til góða.
„Ég fann ekki til með honum. Ég er ekki stuðningsmaður Steven Gerrard. Ég er ekki stuðningsmaður Liverpool," sagði Demba Ba í viðtali hjá The Sun.
„Ég var ekki ánægður þegar Man City vann deildina því ég er ekki stuðningsmaður þeirra heldur. Ég var að sinna starfi mínu.
„Stjórinn vildi vinna þennan leik og var óvenju ákafur þó hann hafi teflt fram því sem ég myndi kalla varaliðið. Margir sem spiluðu þennan leik voru ekki í byrjunarliðinu í hverri viku."
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 34 | 24 | 5 | 5 | 82 | 26 | +56 | 77 |
2 | Liverpool | 33 | 22 | 8 | 3 | 75 | 32 | +43 | 74 |
3 | Man City | 32 | 22 | 7 | 3 | 76 | 32 | +44 | 73 |
4 | Aston Villa | 34 | 20 | 6 | 8 | 71 | 50 | +21 | 66 |
5 | Tottenham | 32 | 18 | 6 | 8 | 65 | 49 | +16 | 60 |
6 | Newcastle | 32 | 15 | 5 | 12 | 69 | 52 | +17 | 50 |
7 | Man Utd | 32 | 15 | 5 | 12 | 47 | 48 | -1 | 50 |
8 | West Ham | 34 | 13 | 9 | 12 | 54 | 63 | -9 | 48 |
9 | Chelsea | 32 | 13 | 8 | 11 | 61 | 57 | +4 | 47 |
10 | Brighton | 32 | 11 | 11 | 10 | 52 | 50 | +2 | 44 |
11 | Wolves | 33 | 12 | 7 | 14 | 46 | 53 | -7 | 43 |
12 | Fulham | 34 | 12 | 6 | 16 | 50 | 54 | -4 | 42 |
13 | Bournemouth | 33 | 11 | 9 | 13 | 48 | 60 | -12 | 42 |
14 | Crystal Palace | 33 | 9 | 9 | 15 | 42 | 56 | -14 | 36 |
15 | Brentford | 34 | 9 | 8 | 17 | 52 | 59 | -7 | 35 |
16 | Everton | 33 | 10 | 8 | 15 | 34 | 48 | -14 | 30 |
17 | Nott. Forest | 34 | 7 | 9 | 18 | 42 | 60 | -18 | 26 |
18 | Luton | 34 | 6 | 7 | 21 | 47 | 75 | -28 | 25 |
19 | Burnley | 34 | 5 | 8 | 21 | 37 | 69 | -32 | 23 |
20 | Sheffield Utd | 33 | 3 | 7 | 23 | 31 | 88 | -57 | 16 |
Athugasemdir