sun 14. apríl 2019 16:33
Ívan Guðjón Baldursson
Mjólkurbikarinn: KV skoraði fjögur á Akranesi
Mynd: Fótbolti.net: Eyjólfur Garðarsson
Skallagrímur 1 - 4 KV
0-1 Einar Már Þórisson ('13)
0-2 Oddur Ingi Bjarnason ('34)
0-3 Viktor Máni Róbertsson ('45)
1-3 Elís Dofri Gylfason ('50)
1-4 Vilhjálmur Kaldal Sigurðsson ('55)

Skallagrímur fékk KV í heimsókn í Akraneshöllina í fyrsta leik dagsins í Mjólkurbikar karla.

Gestirnir úr Vesturbænum voru betri og komust yfir eftir aðeins 13 mínútur þegar Einar Már Þórisson skoraði.

Oddur Ingi Bjarnason tvöfaldaði forystuna áður en Viktor Máni Róbertsson gerði þriðja markið og staðan 0-3 í hálfleik.

Elís Dofri Gylfason minnkaði muninn fyrir Borgnesinga skömmu eftir leikhlé en Vilhjálmur Kaldal Sigurðsson gerði út um leikinn fimm mínútum síðar.

KV mætir ÍR í næstu umferð. KV leikur deild neðar heldur en ÍR og því þung þraut framundan.

Markaskorarar af urslit.net
Athugasemdir
banner
banner
banner
banner
banner