Sportpakki Viaplay verður til sölu á Íslandi frá og með morgundeginum, 15. maí. Streymisþjónustan Viaplay er með útsendingarréttinn frá þýsku Bundesligunni hér á landi.

Þýski boltinn byrjar að rúlla um helgina en stórleikur umferðarinnar er viðureign Borussia Dortmund og Schalke. Viaplay mun sýna hann með íslenskri lýsingu.

Þýska deildin er fyrsta stóra deildin í Evrópu sem fer aftur af stað eftir að kórónaveiran stöðvaði fóboltann og verður hægt að horfa á alla leiki í gegnum Viaplay.