Íslensku landsliðsmennirnir í knattspyrnu eru margir hverjir vel húðflúraðir.
Keflvíkingurinn, Arnór Ingvi Traustason er þar engin undantekning. Á vinstri upphandleggnum má sjá athyglisverða fjölskyldu mynd þar sem húðflúrað hefur verið mynd af honum og foreldrum hans.
Þar er hann ungur á árum í hinum fínustu jakkafötum og foreldrar hans í bakgrunni alsæl með drenginn.
Hliðin á myndinni hefur Arnór Ingvi síðan bætt við skammstöfun systkina sinna.
Hafliði Breiðfjörð, ljósmyndari Fótbolta.net tók mynd af húðflúrinu fyrir æfingu íslenska landsliðsins í Gelendzhik í dag.
Athugasemdir