Brynjar Björn Gunnarsson
HK þurfti að gera sér að góðu að lúta í gras gegn Víkingum í vígsluleik í Víkinni er kvöld þegar liðin mættust í Pepsi Max deildinni. Eftir að Víkingar fóru með 2-1 forystu til búningsherbergja í hálfleik tóku gestirnir úr Kópavogi völdin á vellinum en þrátt fyrir nokkur færi og sláarskot vildi boltinn ekki í netið og niðurstaðan því 2-1 tap.
Lestu um leikinn: Víkingur R. 2 - 1 HK
„Við áttum möguleika og tækifæri á að jafna leikinn en fyrri hálfleikurinn var jafn en við hefðum geta misst leikinn frá okkur og fengið á okkur þriðja markið og verið tveimur mörkum undir í hálfleik en það gerðist ekki og í upphafi síðari hálfleiks vorum við inn í leiknum og vorum sterkari, sóttum meira og þeir fá ekki færi í seinni hálfleik en við náum ekki að skapa nógu mikið af dauðafærum,“
sagði Brynjar Björn, þjálfari HK, um leik sinna manna í kvöld.
HK sótti því sem næst linnulaust síðustu 20 mínútur leiksins og skapaði sér nokkur áltileg færi en inn vildi boltinn ekki.
„Það fór sláin út hjá okkur úr aukaspyrnu á síðustu mínútu og bara erfitt að kyngja þessu við leggjum allt í þetta og gerum betur í seinni hálfleik en þeim fyrri og við töluðum um það inní klefa að það var ekki alveg boðlegt það sem við sýndum í fyrri hálfleik.“
Sagði Brynjar Björn Gunnarsson þjálfari HK en allt viðtalið má sjá hér að ofan.
Athugasemdir
