HK/Víkingur fær markaskorara (Staðfest)
HK/Víkingur, sem er að koma á óvart í Pepsi-deild kvenna, var að semja við efnilegan tyrkneskan leikmann sem verður lögleg með liðinu á morgun þegar félagaskiptaglugginn opnar.
Leikmaðurinn heitir Kader Hancar og er aðeins 18 ára gömul.
Hún hefur verið að spila með Konak Belediyespor í efstu deild Tyrklands þar sem hún hefur raðað inn mörkum. Hún skoraði 30 mörk í 19 leikjum í tyrknesku úrvalsdeildinni á síðasta tímabili sem er geggjaður árangur, en hún var markahæsti leikmaður deildarinnar.
Kader spilaði sinn fyrsta leik í tyrknesku úrvalsdeildinni þegar hún var aðeins 13 ára gömul.
Hún á leiki að baki með yngri landsliðum Tyrklands þar sem hún hefur einnig skorað fullt af mörkum.
Hún ætlar núna að reyna fyrir sér á Íslandi og spennandi verður að sjá hvort hún nái að skora eins mikið hér á landi.
HK/Víkingur komst upp í Pepsi-deildina fyrir þetta tímabil en liðið er í sjötta sæti deildarinnar. Kader verður annar tyrkneski leikmaðurinn í HK/Víkingi en landsliðskonan Fatma Kara kom fyrir tímabilið og er búin að spila alla leiki liðsins í Pepsi-deildinni í sumar.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir