Mathijs de Ligt, varnarmaður Ajax og hollenska landsliðsins, fer ekki með Ajax í æfingaferð til Austurríkis.
Þessi 19 ára gamli varnarmaður er einn eftirsóttasti leikmaður heims um þessar mundir en hann hefur verið viðræðum við ítalska félagið Juventus.
Juventus er búið að semja um kaup og kjör við De Ligt og samkvæmt ítölsku miðlunum er félagið búið að semja um kaupverðið við Ajax og á aðeins eftir að ganga frá nokkrum smáatriðum.
Ajax er á leið í æfingaferð til Austurríkis en De Ligt fer ekki með félaginu þangað.
Það ætti því ekki að vera langt í að Juventus staðfesti kaupin á De Ligt sem mun kosta allt að 80 milljónir evra.
Athugasemdir