Augnablik raðaði inn mörkunum fyrir austan í dag.
Einn leikur fór fram í 2. deild kvenna í kvöld þar sem Augnablik kíkti austur á Vilhjálmsvöll og mætti sameiginlegu liði Fjarðabyggðar/Hattar/Leiknis.
Gestirnir voru í miklu stuði í dag og voru komnar þremur mörkum yfir eftir einungis 17 mínútur. Jóhanna Lind Stefánsdóttir minnkaði muninn fyrir heimakonur en Augnablik bætti einu marki við fyrir leikhlé.
Í síðari hálfleik hélt Augnablik uppteknum hætti og bætti við fimm mörkum. Melkorka Ingibjörg Pálsdóttir átti frábæran leik og skoraði fjögur af mörkum Augnabliks í dag.
Augnablik er eftir sigurinn í 2. sæti deildarinnar, þremur stigum á eftir Tindastól og eiga auk þess leik til góða. Sameiginlegt liði Fjarðabyggðar/Hattar/Leiknis er hinsvegar í 6. sæti deildarinnar af 8 liðum með 14 stig.
Athugasemdir
