Sindri sigraði sinn fyrsta leik í sumar
Einn leikur var á dagskrá í Inkasso deild kvenna í dag þar sem að óvænt úrslit litu dagsins ljós.
Heimakonur í Sindra unnu þá frábæran sigur á Aftureldingu/Fram. Gestirnir fengu vítaspyrnu á 26. mínútu en Valdísi Ósk Sigurðardóttur brást bogalistinn á punktinum og staðan markalaus í hálfleik.
Sindri átti frábæran kafla um miðjan síðari hálfleik og skoraði tvö mörk á einungis þremur mínum. Þar voru að verki þær Monique Goncalves og Nicole C. Maher. Afturelding/Fram minnkaði muninn með marki frá Filippu Karlberg en nær komust gestirnir ekki og sigur Sindra staðreynd.
Þetta var fyrsti sigurleikur Sindra í sumar sem eru nú komnar með 4 stig en eru áfram í botnsæti deildarinnar. Afturelding/Fram er tveimur sætum ofar, í því áttunda með 11 stig eftir 12 umferðir.
Athugasemdir
