Sampaoli hefur vakið áhuga margra landsliða eftir að hafa verið rekinn frá Argentínu en vill helst bíða þangað til að honum er boðið landsliðsþjálfarastarf Mexíkó.

Sampaoli var rekinn eftir misheppnað heimsmeistaramót þar sem hann missti klefann og sá lið sitt detta út í 16-liða úrslitum. Hann entist því aðeins í rúmlega 12 mánuði í starfi.

Auk Mexíkó eru Bandaríkin, Kosta Ríka og Paragvæ sögð áhugasöm um að semja við Sampaoli. Nú er að bíða og sjá hvað Sampaoli gerir en það er ljóst að lið í Ameríku hafa ennþá bullandi trú á þjálfaranum.