Samkvæmt heimildum Sky hefur Schalke ekki áhuga á því að semja við þá Danny Rose og Ruben Loftus-Cheek á láni.
Schalke vill bæta við sig einum leikmanni í stöðu vinstri bakvarðar og geta borgað um 7 milljónir evra fyrir slíkan leikmann. Þá vill Schalke semja endanlega við leikmann frekar en að fá hann á láni og vonast eftir því að klára málið fyrir lok vikunnar.
Rose hefur verið nefndur til sögunnar í því samhengi en er of dýr. Sagt er að Tottenham sé tilbúið að hlusta á tilboð í Rose auk Toby Alderweireld og Mousa Dembele í sumar.
Loftus-Cheek var á láni hjá Crystal Palace á síðasta tímabili og Ernirnir vildu fá hann aftur á Selhurst Park en Chelsea kom í veg fyrir það. Hann hefur sjálfur gefið það út að hann vilja fá að spila reglulega.
Félagsskiptaglugginn lokar í Þýskalandi þann 31. ágúst og því er aldrei að vita nema Loftus-Ceek reyni fyrir sér erlendis hvort sem það verður hjá Schalke eða einhverju öðru liði.
Athugasemdir