Romelu Lukaku er ánægður með það að vera kominn til Ítalíu. Hann fékk félagaskipti frá Manchester United til Inter í síðustu viku eftir tveggja ára dvöl hjá United.
Hann skoraði fjögur mörk í fyrsta leik með Inter.
Lukaku, sem er 26 ára, var ekki í plönum Ole Gunnar Solskjær sem kaus frekar að nota Anthony Martial og Marcus Rashford.
Lukaku er ánægður með fyrstu dagana á Ítalíu þar sem hann fær að kynnast „alvöru vinnu".
„Þetta er erfitt, þetta er öðruvísi," sagði Lukaku þegar hann var spurður út æfingarnar á Ítalíu, en þetta kemur fram á Goal.com. „Á Englandi var það mikil vinna, en hérna færðu að kynnast alvöru vinnu."
Athugasemdir
