„Fínt að vinna en frammistaðan var svolítið meh, mæti bæta,“ sagði Nik Anthony Chamberlain þjálfari Þróttar eftir 0-2 sigur á ÍR í lokaumferð Inkasso deildarinnar í kvöld.
Lestu um leikinn: ÍR 0 - 2 Þróttur R.
„Við skorum snemma og dettum í þann gír að þetta verði létt, sem er aldrei tilvikið á móti ÍR,“ sagði hann um leikinn. „En við náðum að vinna baráttuna og að lokum leikinn, sem er það sem skiptir máli.“
„Miðað við mennina sem við misstum, miðað við fjöldan og aldur nýju leikmanna er ég mjög sáttur. Í síðustu leikjum hefur verið hellingur af 02-03 módelum að spila og ég er mjög sáttur með þær,“ sagði hann um sumarið í heild.
Athugasemdir
