Jonny Evans varnarmaður Norður-Írska landsliðsins og Leicester á Englandi var í byrjunarliðinu en hann hefur misst af síðustu þremur leikjum landsliðsins vegna meiðsla.

Hann meiddist í úrslitaleik FA bikarsins á síðustu leiktíð og missti af upphafi tímabilsins í ár með Leicester en snéri til baka í 4-2 sigri liðsins á Man Utd þann 16 október. Hann sagði að meiðslin hafi gert hann hræddan um að ferillinn væri búinn.

„Það var tímapunktur þar sem ég hugsaði, 'Ég á í miklum erfiðleikum, kannski kemst ég ekki aftur út á völl.' Það var fólk í kringum mig, læknar og fólk sem ég talaði við sem fullvissaði mig um að ég myndi snúa aftur. Ég vildi að ég hefði geta komið fyrr. Ég gat það ekki. Ég hugsaði með mér að þetta væri búið, ég myndi spila 91 landsleik og ekki meir."

Hann lék sinn 92. landsleik fyrir helgi.