Í dag fer fram sérstakur leikur hjá Bolton Wanderers en nokkrar af goðsögnum félagsins mæta í dag til að spila góðgerðarleik fyrir gott málefni.
Sam Allardyche mun stýra stjörnuliði Bolton í leiknum en Guðni Bergsson og Grétar Rafn Steinsson munu taka þátt í leiknum ásamt fleiri goðsögnum hjá félaginu.
Kevin Nolan, Ivan Campo, Kevin Davies, Jay-Jay Okocha og fleiri munu spila en stjörnuliðið mætir aðalliði Bolton í leiknum.
Leikurinn er liður í fjáröflun fyrir læknismeðferð en móðir varnarmannsins Gethin Jones, leikmanns Bolton, hefur verið greind með hreyfitaugasjúkdóm.
Guðni Bergsson er í byrjunarliðinu hjá stjörnuliðinu í leiknum.
🥰 The Bolton All Stars are home! pic.twitter.com/eD1G4LmEkR
— Bolton Wanderers (@OfficialBWFC) November 14, 2021
Athugasemdir