Guðný Árnadóttir, leikmaður AC Milan á Ítalíu, var í byrjunarliðinu í dag þegar Milan mætti Pomigliano á útivelli í Serie A deildinni.
Hin 21 árs Guðný lék allan leikinn í vörninni hjá AC Milan sem vann leikinn með tveimur mörkum gegn engu. Gott dagsverk hjá Guðný og stöllum hennar í Milan.
Eftir níu umferðir í Serie A deildinni í kvennaboltanum er Milan í þriðja sæti deildarinnar með 22 stig. Juventus situr í efsta sæti deildarinnar með 27 stig.
Guðný gekk í raðir Milan í desember mánuði árið 2020 en var lánuð til Napoli í kjölfarið. Hún lék 16 leiki með Val í Pepsi Max-deild kvenna sumarið 2020.
Athugasemdir