Jadon Sancho leikmaður Manchester United hefur ekki náð að sanna sig með félaginu eftir komu sína frá Dortmund í sumar.
Þessi vængmaður hefur tekið þátt í 15 leikjum og ekki náð að skora eða leggja neitt mark upp.
Nú eru sögur farnar á kreik að Ole Gunnar Solskjær stjóri United ætli að gera Sancho að hægri vængbakverði. Það hefur ekki farið vel í menn og Danny Mills fyrrum varnarmaður Leeds og Man City sagði að það ætti að reka hann eingöngu fyrir þá hugmynd.
„Gangi þér vel að gera hann að vængbakverði," sagði Mills.
„Hann spilaði ekki mikið fyrir England á EM af því ég held að það sé ekki hægt að treysta á að hann vinni mikið til baka, Dortmund notaði hann aldrei þar. Þú keyptir vængmann sem er að fara búa til færi og skora mörk. Allt í einu ætlaru að spila honum í væng-bakverði í slakri vörn, í alvöru?"
Athugasemdir