Leikurinn fer fram í Skopje á Todor Proeski leikvangnum og verða leyfðir 16 þúsund áhorfendur á þessum gífurlega mikilvæga leik fyrir heimamenn.

Leikvangurinn sjálfur tekur 33 þúsund manns en vegna Covid-19 faraldursins þá verða 16 þúsund manns leyfðir á pöllunum í dag.

Ljóst er að stemningin verður rosaleg en Ísland getur heldur betur eyðilagt partýið í Skopje í dag. Vinni heimamenn leikinn þá eru þeir öruggir í umspilið fyrir HM 2022.

Nái Ísland hins vegar í stig eða vinni leikinn þá munu Rúmenar að öllum líkindum fara í umspilið en ekki Norður-Makedónía. Rúmenía mætir Lichenstein á sama tíma og ef allt er eðlilegt þá klára Rúmenar þann leik.