Aron Elís Þrándarson lék tæpar 70 mínútur þegar Ísland gerði markalaust jafntefli við Eistland í vináttulandsleik í Katar í dag.
Lestu um leikinn: Ísland 0 - 0 Eistland
„Þetta var örugglega með leiðinlegri leikjum sem ég hef spilað, en maður verður að taka eitthvað jákvætt úr þessu" sagði Aron eftir leikinn.
„Þetta er búið að vera gaman. Það er alltaf gaman í landsliðinu og fá sénsinn til að spila. Það er ekki yfir neinu að kvarta."
Það var spilað við frábærar aðstæður í kvöld.
„Þetta er svakalegt gras, þetta er besta gras sem ég hef spilað á og séð. Það er allt til staðar."
Aron hefur leikið með Álasundi, sem mistókst að komast upp úr norsku B-deildinni, síðustu ár en hann stefnir núna á að komast í sterkari deild.
„Ég á eitt ár eftir af samningi og ef þeir ætla að fá eitthvað fyrir mig þá verða þeir að losa mig. Við sjáum til hvað gerist."
Viðtalið er í heild sinni hér að ofan.
Athugasemdir