Yannick Carrasco, leikmaður Dalian Yifang í Kína, er sagður vilja yfirgefa félagið. Um helgina sagði eiginkona hans að Manchester United og fleiri félög hefðu áhuga á leikmanninum.
Kristof Terreur, sérfræðingur um belgískan fótbolta, sagði í hlaðvarpsþætti hjá Transfer Talk Podcast að Arsenal hafi fengið boð um að fá Carrasco til félagsins. Terreur telur þó að Arsenal hafi ekki efni á honum.
Manchester United hefur einnig áhuga á Carrasco en félagið hafi ekkert með hann að gera að mati Terreur.
Yannick Carrasco er vængmaður og ljóst að samkeppnin yrði mikil um sæti í byrjunarliði Manchester United þar sem þeir eru vel mannaðir á vængjunum.
Athugasemdir