Enska úrvalsdeildarfélagið Manchester United á að sækja enska stjórann Graham Potter í sumar en þetta segir Paul Merson, sparkspekingur á Sky Sports.
Ralf Rangnick mun stýra United út þetta tímabil og aðstoða félagið svo að finna arftaka hans.
Mörg nöfn koma til greina í stöðuna en Erik ten Hag, þjálfari Ajax, er sagður efstur á blaði.
Merson kom með áhugavert nafn inn í umræðuna er hann nefndi Graham Potter, stjóra Brighton. Potter hefur getið sér gott nafn síðustu ár.
Potter stýrði sænska liðinu Östersund. Hann tók við liðinu í fjórðu efstu deild og fór með liðið upp í efstu deild á fjórum árum áður en hann gerði liðið að bikarmeisturum árið 2017.
Hann var ráðinn til Swansea árið 2018 þar sem hann þjálfaði í eitt tímabil áður en hann tók við Brighton undir lok tímabils. Þar hefur hann náð frábærum árangri og segir Merson að hann ætti að koma til greina í starfið.
„Ef ég væri Manchester United þá myndi ég fylgjast með Graham Potter og fá hann í stöðuna. Af hverju ekki að fara á eftir honum? Þeir munu ekki gera það af því hann er ekki nafn," sagði Merson.
Athugasemdir