Arsenal var lengi vel í viðræðum við Shakhtar um kaup á Mudryk en náði aldrei samkomulagi um kaupverð.

Chelsea stökk inn í viðræðurnar, bauð Shakhtar 89 milljónir punda og gekk frá samningum.

Stuðningsmenn Arsenal voru vitanlega sárir yfir þessum fregnum en þegar Arteta var spurður út í félagaskipti Mudryk sagði hann einfaldlega að hann væri ánægður með hópinn.

„Ég er stoltur af þeim leikmönnum sem við höfum hér. Við reynum alltaf að styrkja hópinn en félagið er fyrst og fremst að reyna að bæta þá leikmenn sem við höfum. Við þurfum að hafa aga og samræmi í þeim markmiðum. Við getum gert leikmennina betri og því best að einbeita sér að því,“ sagði Arteta.