Mykhaylo Mudryk er búinn að standast læknisskoðun hjá Chelsea og er hann þessa stundina að skrifa undir samning við félagið.
Þessu greinir Fabrizio Romano frá á Twitter en Chelsea vill kynna leikmanninn fyrir stuðningsmönnum liðsins á Stamford Bridge í dag þegar liðið mætir Crystal Palace.
Arsenal hafði verið í viðræðum við Shakhtar síðustu vikur og lagt fram tvö tilboð áður en Chelsea hoppaði inn í viðræðurnar og stal honum fyrir framan nefið á Arsenal.
Mudryk er 22 ára en hann hefur átt frábært tímabil hjá Shakhtar og vakið mikla athygli í Meistaradeild Evrópu.
Hann á að baki átta leiki fyrir landslið Úkraínu og þá hefur hann spilað með Shakhtar Donetsk, Arsenal Kyiv og Desna Chernihiv á sínum ferli.
Athugasemdir