Leeds United ætlar að sækja Marokkómanninn Azzedine Ounahi þegar búið er að ganga frá kaupunum á Georginio Rutter frá Hoffenheim.
Enska félagið mun kynna Rutter á næstu dögum en félögin hafa komist að samkomulagi um kaupverð og á hann nú aðeins eftir að gangast undir læknisskoðun.
Hann mun kosta Leeds um 35 milljónir punda og er félagið nú þegar byrjað að vinna í næsta leikmanni.
Það er Marokkómaðurinn Azzedine Ounahi en hann var enin besti leikmaður Marokkó er liðið komst í undanúrslit HM í Katar undir lok síðasta árs.
Áhuginn á Ounahi er mikill og er Napoli einnig sagt í baráttunni um hann en Leeds hefur þegar rætt við franska félagið Angers og umboðsmann leikmannsins.
Napoli lagði fram 15 milljón evra tilboð á dögunum en því tilboði var hafnað. Paris Saint-Germain sýndi áhuga á að fá hann en félagið mun ekki leggja fram tilboð í þessum mánuði.
Athugasemdir