Gunnlaugur Jónsson.
Fyrsti þáttur af Návígi í umsjón Gunnlaugs Jónssonar fór í loftið í dag en þar ræðir Heimir Guðjónsson um feril sinn sem leikmaður. Um er að ræða nýja þáttaröð sem verður á Fótbolta.net næstu vikurnar.
„Þetta eru hlaðvarpsþættir þar sem ég fæ einn aðila í návígi og við förum yfir feril viðkomandi," segir Gunnlaugur um þættina.
Hugmyndin að þáttunum kviknaði hjá Gunnlaugi á EM í körfubolta í Finnlandi í fyrra. Hann var þá á spjalli við vini sína sem hlusta reglulega á körfubolta podcast frá Bandaríkjunum.
„Ég hitti Hafliða eiganda Fótbolta.net í flughöfninni heima og boðaði mig á fund hans. Ég held að þetta hafi verið og sé góð hugmynd."
Sex þættir á dagskrá
Gunnlaugur er nú þegar búinn að taka viðtöl við Heimi Guðjónsson, Heimi Hallgrímsson og Ólaf Kristjánsson. Þættirnir verða vikulega á Fótbolta.net næstu vikurnar en einnig eru fyrirhuguð viðtöl við Ólaf Jóhannesson, Rúnar Kristinsson og Veigar Pál Gunnarsson.
„Þetta er um það bil tveggja klukkutíma spjall þar sem farið er yfir víðan völl," útskýrir Gunnlaugur.
„Almennt er hugsunin sú að menn eru að tala um hluti sem þeir hafa ekki talað um lengi. Ólafur Kristjáns talar til dæmis um sinn leikmannaferil og Heimir Hallgrímsson talar um sinn stutta leikmannaferil og tímann með karla og kvennalið ÍBV. Ég held að þetta sé áhugavert og ætti að geta fallið í góðan jarðveg."
Hér má hlusta á fyrri hlutann af Návígi með Heimi Guðjónssyni.
Síðari hlutinn birtist á morgun.
Smelltu hér til að hlusta á Heimi Guðjóns í Návígi
Til að nálgast þættina í Apple tækjum þarf einungis að leita að "Fótbolti.net" í iTunes Podcast, eða sambærilegum forritum s.s Overcast.
Á sama hátt er hægt að nálgast þættina í Android tækjum með því að nota sambærileg forrit, s.s Pocket Casts eða Podcast Addict, og leita að "Fótbolti.net".
Athugasemdir
