Úr leik í Kórnum. Dómarakast er ef boltinn fer upp í þak þar.
Stór breyting hefur átt sér stað hvað varðar reglur á leikjum í knattspyrnuhúsum á Íslandi. Þegar boltinn fer upp í þak á húsinu eru ekki lengur innköst í leikjum heldur lætur dómarinn boltann falla og tveir leikmenn berjast um boltann.
KSÍ tilkynnti þetta á dögunum en svona eru alþjóðlega reglur um leiki innandyra. KSÍ hafði verið með sérákvæði um að taka frekar innköst í leikjum í Lengjubikar á Íslandi. Alþjóðanefnd knattspyrnusambanda gerði athugasemd við það að KSÍ hafi verið með sérákvæði í reglugerðinni. KSÍ ber, líkt og öðrum knattspyrnusamböndum, að fara eftir ákvæðum knattspyrnulaganna hvað þetta atriði varðar og hefur ekki heimild til þess að setja sérákvæði í reglugerðir móta sem stangast þannig á við knattspyrnulögin.
Í leikjum um sæti í Fótbolta.net mótinu var þessi nýja regla notuð og hún hefur líka verið í fyrstu leikjum ársins í Lengjubikarnum. ÍA lagði Leikni R. 2-0 í Akraneshöllinni í Lengjubikarnum í gærkvöldi en þar var þrívegis dómarakast.
KSÍ tilkynnti þetta á dögunum en svona eru alþjóðlega reglur um leiki innandyra. KSÍ hafði verið með sérákvæði um að taka frekar innköst í leikjum í Lengjubikar á Íslandi. Alþjóðanefnd knattspyrnusambanda gerði athugasemd við það að KSÍ hafi verið með sérákvæði í reglugerðinni. KSÍ ber, líkt og öðrum knattspyrnusamböndum, að fara eftir ákvæðum knattspyrnulaganna hvað þetta atriði varðar og hefur ekki heimild til þess að setja sérákvæði í reglugerðir móta sem stangast þannig á við knattspyrnulögin.
Í leikjum um sæti í Fótbolta.net mótinu var þessi nýja regla notuð og hún hefur líka verið í fyrstu leikjum ársins í Lengjubikarnum. ÍA lagði Leikni R. 2-0 í Akraneshöllinni í Lengjubikarnum í gærkvöldi en þar var þrívegis dómarakast.
Boltinn uppí loft. Dómarakast! Þetta er skrautleg regla. pic.twitter.com/x29cEImehX
— Knattspyrnufélag ÍA (@ia_akranes) February 14, 2019
Í leik Stjörnunnar og Grindavíkur í Kórnum á þriðjudag varð að taka eitt dómarakast eftir að boltinn fór upp í loft.
„Grindavík sparkaði einu sinni upp í loft í kórnum, þeir spörkuðu boltanum til okkar. Þetta er glórulaust," segir Þórarinn Ingi Valdimarsson leikmaður Stjörnunnar á Twitter í dag.
„Endilega bjóða uppá það að geta meiðst í ærslagangi í febrúar. Það er eðlilegt," segir Björn Daníel Sverrisson leikmaður FH.
Fótboltahúsin á Íslandi eru mishá og því fer boltinn oftar upp í þakið í sumum húsum en öðrum. HK spilar í Kórnum í Pepsi-deildinni í sumar og fleiri félög spila heimaleiki í fótboltahúsum í Íslandsmótinu. Má þar nefna Kára sem spilar í Akraneshöllinni í 2. deildinni og Leikni Fáskrúðsfirði sem spilar í Fjarðabyggðarhöllinni í sömu deild. Talsvert lægra er til lofts í Akraneshöllinni og Fjarðabyggðarhöllinni heldur en í Kórnum.
Athugasemdir
