fös 15. febrúar 2019 22:35
Ívan Guðjón Baldursson
Spánn: Charles bjargaði Eibar enn eina ferðina
Mynd: Getty Images
Eibar 2 - 2 Getafe
0-1 Jaime Mata ('37 )
0-2 Dimitri Foulquier ('52 )
1-2 Charles ('67 , víti)
2-2 Charles ('80 )

Fyrsta leik helgarinnar á Spáni lauk með fjögurra marka jafntefli er Eibar fékk Getafe í heimsókn.

Jaime Mata kom gestunum yfir í fyrri hálfleik og tvöfaldaði Dimitri Foulquier forystuna skömmu eftir leikhlé.

Heimamenn voru ekki sáttir, enda langt frá því að vera lakari aðilinn á vellinum. Þeir skiptu um gír í kjölfarið og minnkaði Charles muninn úr vítaspyrnu.

Charles hefur verið gríðarlega mikilvægur fyrir Eibar á tímabilinu og gerði hann jöfnunarmark heimamanna á 80. mínútu. Það var hans tíunda mark síðustu níu leikjum fyrir félagið.

Meira var ekki skorað og eru áfram fimm stig sem skilja liðin að í Evrópubaráttunni. Getafe vermir fimmta sæti deildarinnar á meðan Eibar er í því tíunda.
Athugasemdir
banner
banner
banner