Liverpool verður í pottinum þegar dregið verður í 8-liða úrslit Meistaradeildarinnar í dag.
Enska liðið sló út Þýskalandsmeistarana á miðvikudag með sannfærandi frammistöðu á Allianz Arena.
Jamie Carragher, fyrrum leikmaður Liverpool og núverandi knattspyrnusérfræðingur, segir að Liverpool gæti vel farið alla leið í keppninni.
„Frammistaða Liverpool í leiknum var stórkostleg og maður hafði það eiginlega ekki á tilfinningunni að Bayern myndi skora í leiknum. Varnarleikurinn var agaður og það er ekki hægt að hrósa Virgil Van Dijk nægilega mikið," sagði Carragher.
„Ef að Liverpool getur endurtekið þessa frammistöðu í næstu leikjum þá hafa þeir alla burði í að vinna þennan titil."
Liverpool fór alla leið í úrslitaleikinn í fyrra en tapaði þar fyrir Real Madrid.
Athugasemdir