Leikjum úr helstu deildum Evrópu hefur verið frestað fram í apríl vegna kórónaveirunnar.
Í dag er því aðeins hægt að fylgjast með leikjum úr nokkrum deildum í Austur-Evrópu auk tyrknesku og rússnesku deildunum. Í kvöld verða svo leikir á dagskrá frá Suður-Ameríku og Mexíkó.
Viðureign Inter og Sassuolo átti að fara fram í Serie A en var frestað. Félögin deyja þó ekki ráðalaus og eru búin að skipuleggja viðureign á milli eSports leikmanna sinna.
Inter mætir því Sassuolo í beinni útsendingu í fótboltaleiknum PES (Pro Evolution Soccer) í dag. Hægt verður að fylgjast með leiknum á Youtube rásinni sem er hér fyrir neðan.
Inter and Sassuolo will play today's game on Pes 2020 with their e-sports teams from r/soccer
Athugasemdir