Fjórir vopnaðir menn brutust inn á heimili Jan Vertonghen, leikmanns Tottenham, á meðan hann var í Þýskalandi í Meistaradeildarverkefni síðastliðinn þriðjudag.
Eiginkona Vertonghen, Sophie De Vries, var heima ásamt tveimur ungum börnum þeirra. Ránið átti sér stað klukkan átta að kvöldi til.
Fram kemur í frétt hjá Daily Mail að mennirnir hafi ógnað fjölskyldunni með hnífum og sveðjum.
Sem betur fer urðu engin meiðsli á fjölskyldu belgíska landsliðsmannsins, en þeim var auðvitað verulega brugðið.
Lögreglan er með málið til rannsóknar.
Athugasemdir