Lee Bowyer hefur sagt upp störfum sem stjóri hjá Charlton Athletic en hann er sagður vera á leið til Birmingham.

Bowyer hefur stýrt Charlton undanfarin þrjú ár en liðið er í dag í áttunda sæti í ensku C-deildinni.

Aitor Karanka er að missa starf sitt sem stjóri Birmingham eftir dapurt gengi að undanförnu.

Birmingham tapaði 3-0 gegn Bristol City síðasta laugardag og er í harðri fallbaráttu. Birmingham er þremur stigum frá fallsæti en hefur spilað fjórum leikjum meira en Rotherham sem er í 22. sæti, síðasta fallsætinu.