Daníel Snorri Guðlaugsson, miðjumaður Hauka, verður frá næstu mánuðina eftir að hafa tvífótbrotnað og farið úr ökklalið í leik gegn Víði í Lengjubikarnum á dögunum.
Daníel varð fyrir tæklingu í leiknum og þurfti að bera hann af velli.
Daníel varð fyrir tæklingu í leiknum og þurfti að bera hann af velli.
Hann þurfti að gangast undir aðgerð þar sem hann fékk plötu og sex skrúfur í fótinn.
Ekki er vitað á þessari stundu hvort miðjumaðurinn öflugi komi til með að spila á tímabilinu.
„Saumarnir verða teknir úr í enda vikunnar og ég fæ að vita meira þá. Ég þurfti að fara í aðgerð; fékk plötu og 6 skrúfur í fótinn en þeir töluðu um að ég verði vonandi farinn að skokka eftir þrjá mánuði," sagði Daníel Snorri við Fótbolta.net.
Daníel Snorri, sem er 25 ára, gekk aftur í raðir uppeldisfélags síns, Hauka, undir lok síðasta árs. Hann spilaði með Víkingi Ólafsvík í Lengjudeildinni á síðustu leiktíð.
Haukar höfnuðu í fimmta sæti 2. deildar síðasta sumar.
Athugasemdir