Birmingham á eftir að staðfesta tíðindin en helstu fjölmiðlar Bretlands eru fullvissir um þetta.

Samkvæmt BBC þá mun Birmingham staðfesta það í dag að Karanka hafi verið rekinn.

Hinn 47 ára gamli Karanka hefur stýrt Birmingham í minna en átta mánuði. Hann tók við liðinu af landa sínum, Pep Clotet, í júlí síðastliðnum.

Karanka er fyrrum stjóri Middlesbrough og Nottingham Forest, en einnig er hann fyrrum aðstoðarstjóri Real Madrid.

Birmingham tapaði 3-0 gegn Bristol City síðasta laugardag og er í harðri fallbaráttu. Birmingham er þremur stigum frá fallsæti en hefur spilað fjórum leikjum meira en Rotherham sem er í 22. sæti, síðasta fallsætinu.