Mikel Arteta, stjóri Arsenal, segir að Bukayo Saka, leikmaður liðsins, eigi við meiðsli í læri að stríða.
Saka fór af velli í hálfleik í gær í sigurleiknum gegn Tottenham en Nicolas Pepe kom inn á í hans stað.
Saka hefur verið einn af betri leikmönnum Arsenal á þessari leiktíð og því ljóst að þetta eru ekki góðar fréttir fyrir Arteta og hans menn.
„Við munum skoða þetta. Honum leið illa í lærinu og við þurftum að taka hann útaf. Meira veit ég ekki," sagði Arteta eftir leikinn í gær.
Saka hefur spilað 34 leiki fyrir Arsenal á þessari leiktíð og skorað sex mörk. Þá hefur hann lagt upp sjö mörk en hann hefur einungis misst af níu leikjum á þessari leiktíð í öllum keppnum.
Athugasemdir