Ernesto Valverde, stjóri Barcelona, staðfestir að Lionel Messi sé klár í slaginn fyrir leikinn gegn Manchester United á Nývangi annað kvöld.
Messi var hvíldur um helgina þegar Barcelona gerði 0-0 jafntefli gegn Huesca en Valverede gerði alls tíu breytingar á liðinu frá 1-0 sigrinum gegn United í fyrri leiknum í 8-liða úrslitum Meistaradeildarinnar.
Messi mætir aftur til leiks á morgun.
Messi var hvíldur um helgina þegar Barcelona gerði 0-0 jafntefli gegn Huesca en Valverede gerði alls tíu breytingar á liðinu frá 1-0 sigrinum gegn United í fyrri leiknum í 8-liða úrslitum Meistaradeildarinnar.
Messi mætir aftur til leiks á morgun.
„Messi er klár í slaginn og fullkomlega tilbúinn í leikinn," sagði Valverde á fréttamannafundi.
Messi fékk högg í baráttu við Chris Smalling í fyrri leiknum en það aftrar honum ekkert.
Það er merkileg staðreynd að Messi hafi aldrei skorað í 8-liða úrslitum Meistaradeildarinnar.
„Það að Messi hafi spilað tólf leiki í 8-liða úrslitum Meistaradeildarinnar án þess að skora þýðir að hann er nær því að skora. Tölfræði er byggð á fortíðinni og segir ekkert um framtíðina," segir Valverde.
Börsungar eru með örugga forystu í La Liga og margir telja þá sigurstranglegasta í Meistaradeildinni.
Athugasemdir