Íslendingalið Rostov mun ekki spila í bikarúrslitunum í Rússlandi. Rostov tapaði 2-0 á heimavelli gegn Lokomotiv Mosku í dag.
Ragnar Sigurðsson lék allan leikinn í vörninni hjá Rostov. Björn Bergmann Sigurðarson var allan tímann á varamannabekknum.
Fyrri leikurinn endaði 2-2 og fór því einvígið samanlagt 4-2 fyrir Lokomotiv Moskvu. Í úrslitaleiknum mætast Lokomotiv Moskva og Ural, sem vann einvígi sitt gegn Arsenal Tula.
Það eru tvær umferðir eftir í rússnesku úrvalsdeildinni og er Rostov sem stendur í áttunda sæti.
Böddi í Evrópu?
Böðvar Böðvarsson, betur þekktur sem Böddi löpp, lék allan leikinn fyrir Jagiellonia Bialystok þegar liðið bar sigur býtum gegn Legia Varsjá í pólsku úrvalsdeildinni í kvöld.
Böðvar hefur verið í stóru hluverki hjá liðinu upp á síðkastið. Hann er búinn að vinna sér inn fast sæti í byrjunarliðinu.
Með þessum sigri fer Jagiellonia upp í fjórða sæti, sem er Evrópusæti.
Það er ein umferð eftir í pólsku úrvalsdeildinni.
Athugasemdir