fös 15. maí 2020 16:15
Magnús Már Einarsson
Rashica eftirsóttur - Liverpool úr myndinni
Mynd: Getty Images
Fjögur félög í ensku úrvalsdeildinni eru á eftir Milot Rashica sóknarmanni Werder Bremen.

Aston Villa, Brighton, West Ham og Wolves eru öll sögð vilja fá þennan 23 ára gamla leikmann í sínar raðir í sumar.

Rashica hefur áður verið orðaður við Liverpool en kaupin á Takumi Minamino í janúar verða líklega til þess að toppliðið reynir ekki við hann.

Rashica hefur skorað sjö mörk í tuttugu leikjum í þýsku úrvalsdeildinni og vakið athygli.

Auk ensku félaganna vilja þýsku félögin Borussia Dortmund og RB Leipzig fá hann í sínar raðir.
Athugasemdir
banner
banner
banner