Ísland - Argentína á morgun
Aron Einar Gunnarsson segist vera 100% klár í leikinn gegn Argentínu á morgun. Um er að ræða fyrsta leik Íslands á Heimsmeistaramóti í knattspyrnu í sögunni.
Fyrirliðinn, þurfti að gangast undir aðgerð eftir að hafa orðið fyrir meiðslum á hné í leik með Cardiff gegn Hull, laugardaginn 28. apríl.
„Eftir flugferðina út þá ákváðum við að ég myndi taka það rólega. Ég hef tekið þátt í æfingum að undanförnu og mér líður vel. Ég veit ekkert hvort Heimir velji mig í liðið á morgun. Ég er á góðum stað og sé líka í augunum á strákunum hvernig þeim líður," sagði Aron Einar á fréttamannafundi sem nú er í gangi hjá íslenska landsliðinu. Þar sitja Heimir Hallgrímsson þjálfari og Aron Einar fyrir svörum fréttamanna.
Heimir Hallgrímsson, landsliðsþjálfari, tilkynnti einnig að allir leikmenn séu klárir í slaginn. „Það eru allir leikmenn heilir fyrir leikinn á morgun. Það eru allir tilbúnir að spla og allir vilja spila þennan stærsta leik í sögu íslenskrar knattspyrnu. Það er hausverkur sem við þjálfararnir höfum að velja liðið" sagði Heimir.
Hægt er að sjá fréttamannafundinn í beinni hér.
Athugasemdir