Það eru tveir leikir á Heimsmeistaramóti kvenna í Frakklandi í dag og eru þeir báðir í E-riðli.
Klukkan 13:00 mæta Evrópumeistarar Hollands liði Kamerún. Holland er sigurstranglegra liðið enda eru Hollendingar ríkjandi Evrópumeistarar.
Holland byrjaði riðilinn á 1-0 sigri, eins og Kanada sem mætir Nýja-Sjálandi í kvöld.
Ef Holland og Kanada vinna í dag þá tryggja þær þjóðir sig áfram í 16-liða úrslitin.
Þess ber að geta að þær fjórar þjóðir með bestan árangur í þriðja sæti í riðlakeppninni fara einnig áfram í 16-liða úrslitin, rétt eins og öll þau lið sem enda í efstu tveimur sætum riðla.
laugardagur 15. júní
E-riðill
13:00 Holland - Kamerún (RÚV)
19:00 Kanada - Nýja-Sjáland (RÚV 2)
Athugasemdir