Batchelor, sem lék með landsliði Suður-Afríku, auk þess sem hann lék fyrir Orlando, Pirates, Mamelodi Sundowns og Kaizer Chiefs í heimalandinu, lést á slysstað.

Skotárásin er sögð hafa verið skipulögð en hann var ásamt garðyrkjumanninum sínum í bíl er tveir menn á mótorhjóli keyrðu framhjá bifreiðinni og skutu hann til bana.

Batchelor hefur síðustu ár verið mikið í fjölmiðlum en hann var viðstaddur réttarhöld suður-afríska hlauparans Oscar Pistorius sem varð kærustu sinni að bana að heimili þeirra í Suður-Afríku.

Pistorius hótaði að brjóta lappirnar á Batchelor fyrir nokkrum árum er hann ásakaði hann um að hafa sofið hjá Samönthu Taylor, sem var kærasta Pistorius á þeim tíma.

Lungelo Dlamini, talsmaður lögreglunnar í Jóhannesborg, vildi ekki útiloka að morðið hafi verið skipulagt.