Jákup Thomsen, framherji FH, verður væntanlega fá keppni næstu 4-6 vikurnar vegna meiðsla á hné en Ólafur Kristjánsson þjálfari FH staðfestir þetta í samtali við Morgunblaðið.
Jákup fór meiddur af velli á 34. mínútu í 2-1 sigri á ÍBV á laugardaginn eftir að brotið var á honum og dæmd var vítaspyrna.
„Það tognuðu liðbönd í hné hans og ég reikna með að hann verði frá keppni í fjórar til sex vikur. Hann hittir lækni á morgun (í dag) og þá kemur þetta betur í ljós,“ sagði Ólafur við Morgunblaðið í gær.
FH hefur verið á höttunum á eftir Kristjáni Flóka Finnbogasyni, framherja Start, en hann er líklega á leið í KR. FH er enn í leit að framherja.
„Við ætlum að reyna að taka erlendan framherja og erum að fara yfir stöðuna hvað þau mál varðar,“ sagði Ólafur.
Athugasemdir