Victor Mollejo, ungur leikmaður Atletico Madrid, vonast eftir því að fá fleiri tækifæri með aðalliðinu en hann fékk á síðasta tímabili.
Mollejo þykir verulega mikið efni en hann er einn af betri leikmönnum U19 ára liðs Spánar sem leikur nú á EM í þeim aldursflokki.
Mollejo þykir verulega mikið efni en hann er einn af betri leikmönnum U19 ára liðs Spánar sem leikur nú á EM í þeim aldursflokki.
„Draumurinn minn er að vera hér hjá Atletico Madrid alla mína ævi. Ég vonast eftir fleiri tækifærum á tímabilinu og það er undir mér komið að nýta þau tækifæri sem ég fæ," segir Mollejo.
Mollejo er fæddur árið 2001 og spilar sem kantmaður.
Hann kom við sögu í þremur leikjum Atletico Madrid á síðasta tímabili. Það er spurning hvort að hann fái fleiri tækifæri eftir að Antoine Griezmann gekk í raðir Barcelona.
Athugasemdir